თუ ყოველივე ამისთვის მზად ხართ და თქვენი გადაწყვეტილება ურყევია, მაშინ გახსოვდეთ, რომ ინტელექტისა და ჰარმონიულობის გარეშე თქვენი ამბიციები მხოლოდ ოცნებად დარჩება. მოდელისთვის სილამაზე მხოლოდ ტრამპლინია წარმატებული კარიერისთვის და მოგიწევთ არნახული შრომა იმისათვის, რომ თქვენი სახელი არ დარჩეს შეუმჩნეველი

რჩევები დამწყებ მოდელებს             პროფესიონალებისგან

* მუდმივად იყავით ყურადღებით, არ გაუკეთოთ იგნორირება თქვენი აგენტისა და სააგენტოს თანამშრომლების რჩევებს და მითითებეს, არასდროს შეეწინააღმდეგოთ, არ შეაწყვეტინოთ საუბარი და არ დაუსვათ უაზრო შეკითხვები.
გახსოვდეთ, რომ სამოდელო სააგენტო ყველაზე მეტად არის დაინტერესებული თავისი მოდელების წარმატებაში, რადგან პოპულარული და მაღალანაზღაურებადი მოდელი თავად სააგენტოს შემოსავლებსაც განაპირობებს.
* არასდროს მოიხსენიოთ სხვებთან თქვენი სააგენტო უარყოფითად.
* მუდმივად გაიღრმავეთ ცოდნა და არ დაკმაყოფილდეთ მიღწეულით.
* წარმატების შემთხვევაში არასდროს გაიფიქროთ, რომ თქვენ სხვებზე უკეთესი ხართ, რადგან სამოდელო ბიზნესს არა ერთი შემთხვევა ახსოვს როდესაც თავბრუდამხვევი კარიერა მოდელისთვის კონტრაქტის გაუქმებით დასრულდა.
იყავით წინდახედული, მაგრამ არა თავდაჯერებული.
* კასტინგებსა და ათასგვარ ღონისძიებებში მონაწილეობის დროს უნდა შეგეძლოთ მოკლე და და გამართული პასუხის გაცემა, ერთი და იგივე სიტყვებისა და წინადადებების ხშირი გამეორება თქვენი ლექსიკის სიმცირეზე მეტყველებს.
* დაეუფლეთ უხერხული სიტუაციებიდან თავის დაღწევას ისე, რომ სხვებისთვის ეს უხერხულობა ნაკლებად შესამჩნევი ან სრულიად შეუმჩნეველი იყოს.